दीपक फर्टीलाझर्स व ईशान्य फाऊंडेशन मार्फत शेतकरी प्रशिक्षण
प्रभात पर्व न्यूज - Published: 09-Jun-2023 05:57 pmतळोजा : दिपक फर्टिलायझर्स ऍण्ड पेट्रोकेमिकल्स कॉर्पोरेशन व ईशान्य फाऊंडेशनमार्फत नुकतेच पालेखुर्द येथे दुग्ध व्यवसाय प्रशिक्षण घेण्यात आले. या प्रशिक्षण कार्क्रमाचे उदघाटन दिनेशप्रताप सिंग (ईव्हीपी ऑपरेशन्स DFPCL) व सुनील काटकडे (LDO पंचायत समिती पनवेल) यांच्या उपस्थित झाले. या प्रसंगी दुग्ध उत्पादक शेतकऱ्यांना डॉ. शौकत शिकलगर (LSS पंचायत समिती पनवेल), श्रीहरी खाटावकर (एरिया मॅनेजर इंटास कंपनी), व प्रितेश सरोदे यांनी मार्गदर्शन केले. तसेच या कार्यक्रम प्रसंगी १०० कालवडीसाठी खाद्य व उद्योजकता विकास कार्यक्रम अंतर्गत व्यवसाय वृद्धिंगत करण्यासाठी ६ महिलांना ब्युटी पार्लर व इतर साहित्याचे वाटप करण्यात आले.
दीपक फर्टिलायझर्स यांच्या सीएसआर उपक्रमांतर्गत व ईशान्य फाउंडेशन मार्फत जवळपास ५५ गावामध्ये "पशुधन विकास कार्यक्रम" राबवला जात असून यामध्ये प्रामुख्याने कृत्रिम रेतन सुविधा, चारा पीक विकास, गाई खरेदीसाठी मदत, लसीकरण, पशुधन आरोग्य सुविधा व शेतकऱ्यांसाठी क्षमता बांधणी इत्यादी घटकांवर काम केले जात आहे. हा कार्यक्रम यशस्वी पार पाडण्यासाठी प्रमोद जगताप- असोसिएट डायरेक्टर ईशान्य फाउंडेशन यांच्या मार्गदर्शनाखाली संदिप आर. काकडे (AGM-CSR DFPCL), नंदलाल पवार (प्रकल्प समन्वयक - ईशान्य फाउंडेशन) व टीम यांनी कार्यक्रमाचे नियोजन व आवश्यक व्यवस्था केली.