तळोजा : तळोजा एमआयडीसीतील री सस्टेनेबिलिटी लिमिटेड कंपनीतर्फे जागतिक पर्यावरण दिन २०२६ विविध पर्यावरणपूरक उपक्रमांनी उत्साहात साजरा करण्यात आला. या निमित्ताने पर्यावरण संवर्धन, वृक्षारोपण, कचरा व्यवस्थापन आणि स्वच्छतेबाबत जनजागृती करण्यासाठी अनेक उपक्रमांचे आयोजन करण्यात आले.

कार्यक्रमाची सुरुवात महाराष्ट्र प्रदूषण नियंत्रण मंडळ आणि पोलीस विभागातील वरिष्ठ अधिकाऱ्यांच्या हस्ते फीत कापून करण्यात आली. यानंतर पर्यावरण संरक्षणाबाबत जनजागृती करण्यासाठी स्वाक्षरी अभियान राबविण्यात आले. कर्मचारी, पाहुणे आणि स्थानिक नागरिकांनी पर्यावरण संरक्षणाचे संदेश, शुभेच्छा आणि संकल्प व्यक्त करत अभियानात सहभाग घेतला. तसेच सर्व उपस्थितांनी पर्यावरण संरक्षणाची शपथ घेत नैसर्गिक संसाधनांच्या संवर्धनासाठी कटिबद्ध राहण्याचा निर्धार व्यक्त केला.

          परिसरातील नागरिकांसाठी चार दिवसीय "बेस्ट आऊट ऑफ वेस्ट" स्पर्धेचे आयोजन करण्यात आले. या उपक्रमातून पुनर्वापर, पुनर्निर्मिती आणि कचरा कमी करण्याबाबत जनजागृती करण्यात आली. सोमय्या महाविद्यालय, पनवेल येथे वृक्षारोपण कार्यक्रम आयोजित करण्यात आला. यामध्ये विद्यार्थी, शिक्षक आणि इतर सहभागी यांनी उत्साहाने सहभाग घेत परिसर अधिक हिरवागार आणि निरोगी करण्याचा संदेश दिला. तसेच री सस्टेनेबिलिटी लिमिटेडच्या प्रकल्प परिसरात कर्मचारी आणि मान्यवरांच्या उपस्थितीत वृक्षारोपण करून हरित परिसर निर्मितीची बांधिलकी अधोरेखित करण्यात आली.

            एमजीएम वैद्यकीय महाविद्यालय, कामोठे येथील सामुदायिक औषधशास्त्र विभागाच्या तज्ज्ञांमार्फत "पर्यावरण व्यवस्थापन व घरगुती कचरा व्यवस्थापन" या विषयावर प्रशिक्षकांचे प्रशिक्षण (ट्रेनिंग ऑफ ट्रेनर्स) आयोजित करण्यात आले. यामध्ये शाश्वत पर्यावरणीय पद्धती आणि प्रभावी कचरा व्यवस्थापनाबाबत मार्गदर्शन करण्यात आले. याशिवाय भोईरवाडा येथे सामुदायिक वृक्षारोपण कार्यक्रम राबविण्यात आला. स्थानिक नागरिक आणि विविध समुदाय संस्थांच्या सक्रिय सहभागातून पर्यावरण संवर्धनाचा संदेश देण्यात आला. कंपनी परिसरातील रस्ते आणि आजूबाजूच्या भागात स्वच्छता अभियानही राबविण्यात आले. या उपक्रमात ईएचएस आणि एचआर विभागातील कर्मचाऱ्यांनी सहभाग घेत स्वच्छता व पर्यावरणीय जबाबदारीचे महत्त्व अधोरेखित केले.

             या सर्व उपक्रमांमध्ये कर्मचारी, विद्यार्थी, स्थानिक नागरिक, शासकीय अधिकारी आणि विविध भागधारकांचा उत्स्फूर्त सहभाग लाभला. पर्यावरण संरक्षण, वृक्षसंवर्धन आणि स्वच्छतेबाबत व्यापक जनजागृती निर्माण करून शाश्वत भविष्यासाठी सामूहिक कृतीचा संदेश देण्यात आला.

Comments