ठाणे : समुद्री वाहतूक व कामगार क्षेत्रातील संघटनात्मक कार्याची दखल घेत मनीष चंद्रकांत वैती यांची 'शिवसेना प्रणित नवक्रांती कामगार नाविक सेना' या संघटनेच्या महाराष्ट्र राज्य उपाध्यक्षपदी नियुक्ती करण्यात आली. वंदनीय हिंदुहृदयसम्राट शिवसेनाप्रमुख बाळासाहेब ठाकरे यांच्या आशीर्वादाने तसेच धर्मवीर आनंद दिघे यांच्या प्रेरणेने, शिवसेना मुख्य नेते तथा महाराष्ट्राचे उपमुख्यमंत्री एकनाथ शिंदे आणि खासदार डॉ. श्रीकांत शिंदे यांच्या मार्गदर्शनाखाली, तसेच राजेश चंद्रसेन घाडगे यांच्या अध्यक्षतेखाली ही नियुक्ती करण्यात आल्याची त्यांनी सांगितले. त्यांच्या नियुक्तीबद्दल शिवसैनिकांसह विविध स्तरांतून त्यांचे अभिनंदन करण्यात येत आहे. आगामी काळात संघटनेच्या माध्यमातून राज्यातील कामगार व नाविकांच्या प्रश्नांसाठी प्रभावीपणे काम करण्याचा विश्वास यावेळी व्यक्त करण्यात आला.

              या नियुक्तीप्रसंगी ऑल इंडिया सीफेरर्स युनियनचे संस्थापक तथा अध्यक्ष संजय वासुदेव पवार, महाराष्ट्र राज्य चिटणीस तथा रायगड जिल्हा संपर्कप्रमुख भुषण चंदगांवकर यांच्यासह पदाधिकारी व शिवसैनिक उपस्थित होते. उपस्थित मान्यवरांनी मनीष वैती यांचे अभिनंदन करून त्यांच्या पुढील वाटचालीस शुभेच्छा दिल्या.